Það hafa orðið miklar breytingar á neysluvenjum fólks á síðustu árum, hvað varðar áfenga og óáfenga drykki. Eftirspurnin eftir óáfengum valkostum hefur aukist gríðarlega og fólk sem kýs óáfengan lífsstíl virðist orðið þreytt á að fá sér gosdrykki af barnaborðinu eða drykk í mjólkurglasi. Menningin virðist vera að breytast í kringum þetta og fólk jafnvel farið að gera ráð fyrir góðu óáfengu víni eða drykkjum í veislum og viðburðum - enda býður það upp á hátíðlegri og betri stemningu og hana viljum við framkalla. Það er því sterkur leikur að bjóða upp á góða óáfenga valkosti í veislum og á viðburðum.

Við leggjum okkur öll fram við að svara þessari auknu eftirspurn og erum með frábært úrval óáfengra drykkja, sem henta vel fyrir hvers konar tilefni. Við höfum valið allar vörurnar vandlega og er um að ræða fjölbreytta flóru af fallegum og bragðgóðum gæðadrykkjum, eitthvað fyrir alla!